18/11/2012 - Siti pengawa bejadi ka album terbaru Jessica Remaya : Makin Sari Makin Benchi deka berengkah di aduka kena ka 23/11/2012 (ari Lima) tu ila. Pengawa tu deka dirasmi ka Yang Berhormat Encik Snowdan lawan, Persiden DAMA bepalan ba : Borneo Ethnic Cafe, Jln Song. Nyerumba pengawa tu bala jemputan tau ka bala peninga ke bisi datai deka diperindang artis-artis OCHSP nyengkaum RANNEE PAT, LEEZ ZWITA, EISNER NALA JACKSON, FIEDARUS UDIN & RHYMUSE BILUNG. Artis-artis ke bukai mega diadang datai ngulu pengerami tu ila.
Anti meh penatai album terbaru KELUARAN & EDARAN : OCH Sound Production datai semak endur kita peninga. Album Jessica Remaya deka keluar dalam bentuk VCD & CD Audio lalu kami OCHSP ngarap ka kita seruran teperindang . Sukung meh industri kitai iban kemaya ari. BELI MEH VCD/CD KE ORIGINAL AJA. Punas ka pengawa Chelak Tiru laban pengawa ke bansanya ulih ngemuntan ke industri musik kitai iban.
20 Oktober 2012, pengawa Roadshow DAMA bepalan ba Sri Aman, Roadshoe tu udah mujur dipelajai ka. Nyerumba pengawa Roadshow AMD 2012 (Sri Aman), artis OCHSP ke bisi enggau pengawa tu baka Rannee Pat, Leez Zwita, Eisner Nala Jackson, Jessica Remaya, Fiedarus Udin enggau Rhymuse Bilong. Roadshow AMD Dama bepalan ba Mini Stadium.
Bruce Walker@ Apai Saloi/Jesley Jabu Bajang, Dj Freddy (CatsFM), Jay Amin(Audioman), Aaron Donald, Oliver & Gibbson bisi datai ngulu AMD Road Show Trip...ke Sri Aman.
Rannee Pat, siku artis OCH Sound Production ke udah pansut enggau album keterubah iya diatu benung nyulut enggau lagu Aus Pengerindu Ketegal Nuan. Album Rannee Pat majak diterima serta penatai Rannee Pat dalam Dunya Pemerindang musik iban udah ulih diterima, taja pan Rannee Pat bebansa Selakau.
Taja pia, Rannee Pat endang nemu bejaku iban nya kebuah lagu-lagu iya ulih direkod enggau nadai penanggul. Rannee Pat ke udah lama minat dalam pengawa belagu tu bepun ari mit, suah merindang bala bepun ari belagu enggau raban band ba pelilih menoa Kuching, Lundu. Nya meh endur Rannee Pat mantai ke bakat iya nyawa ke lagu-lagu iban kelimpah ari lagu Indon dangdut tauka lagu-lagu ke bukai.
Nyu enda berasai, album keterubah Rannee Pat nyau deka manggai setaun sepengudah di keluar ka dibaruh labang OCH Sound Production ke bepalan ba Kuching. Berita terbaru ari Rannee Pat, iya deka datai mega enggau album kedua enda lama agi. Diatu Rannee Pat suah merindang bala peninga ba pelilih menoa di Sarawak tauka di Semenanjung. Kelimpah arinya Rannee Pat mega benung ngerekod lagu-lagu baru ke berentak Dangdut Remix, & Dangdut iban. Rannee Pat milih genre dangdut dalam album iya laban lagu-lagu ka berentak ke baka tu endang nengkeman ba ati iya lalu tone nyawa lya endang ipak nyema mai lagu-lagu ke berentak dangdut. Arap ke bala peninga ulih sabar nganti penatai album ke baru ari Rannee Pat.
Anang Udu Beduan (New Single)
Naka ka diatu Rannee pat mega bisi nyelit nyada ke lagu baru iya nyema bisi merindang bala peninga. Nuju bala peminat Rannee Pat, iya enda ngelebu ka bala kita, nyema deka bekelala enggau silik agi, kita ulih add iya ba facebook. Rannee mega bisi ngeluar ka baju Rannee fan's Club ke ulih nyadi ke kenang lebuh bisi meda tauka meli terus ari Rannee empu. Nyema kita ke jauh enda ulih
datai tauka enda ampit T'shirt Rannee Pat Fan's Club kita tau madah ka iya empu tauka meli serta ngelawa laman Facebook iya empu. Arap ka bala peninga ulih terus nyukung pengawa Rannee Pat merindang ngambi ke iya terus nyulut dalam karier iya.
Donny Lang , Ai Mataku(Beraie), album Donny lang diatu udah bisi dijual ba kedai semak bala peninga. Donny Lang keterubah iya datai enggau album berentak modern, serta lagu-lagu ke dikerindu bala bujang dara ke maya ari. Album Donny direkod ba studio OCH Sound Production, Kuching bepun ari demo ke dianjung Donny empu ngena email. Bala producer OCHSP bepuas ati enggau kelainan dalam vokal Donny lang. Keterubah endang bisi mayuh penemu serta komen ke diberi sebedau nerima Donny dalam Dunya Pemerindang ketegal lagu-lagu Donny ke berentak baru. taja pia, producer meri jalai serta peluang ngagai Donny lalu berima iya nyadi recording artis OCHSP. Diatu album Donny Lang udah majak diterima enggau positif, nya nanda ke konsep baru dalam dunya musik kitai iban nerima pembaharuan serta ubah ke manah. Taja pia, Donny empu nemu, agi mayuh penimpang serta utai ke patut dipelajar ari penantai album keterubah ngambi ke ulih nyulut agi dudi ari.
Promosi Album Donny Lang ba Cat's fm : DJ IVY
Diatu Donny agi benung nyambung pelajar iya ba UITM Shah Alam, nya meh nanda ka rebak baru ulih nujah dunya musik kitai iban ukai semina datai ari minat tang ulih mega nyadi ke sigi pengawa ti manah nyema diberi fokus enggau betul. Arap ka Donny ulih mansang dalam dunya pemerindang baka ke di niat ngelama tu.
LEEZ ZWITA: Siku artis baru mega dibaruh lambang OCH Sound Production udah mujur pansut enggau single terbaru : Nuan Bujang. Leez Zwita ke benung belajar ba Politeknik Kuching udah tembu ngadu ke single lagu iya, diatu benung dalam proses rakaman lagu-lagu ke bukai. Leez Zwita ngembuan sada nyawa ke lunak deka mai lagu-lagu berentak Balada, Zapin(irama malaysia), sentimental, alternatif & dangdut iban...anti meh penatai album baru tu ila, diperabu tembu dalam bulan 12 tu ila...
JESSICA REMAYA siku mega artis baru OCHSP ke udah mujur nembu ka album iya ke terubah. Album tu ngundan 10 iti lagu-lagu ke multi genre berentak dangdut iban. Lagu MAkin Sari Makin Benchi nyadi ke lagu tema dalam album Jessica Remaya keterubah iya dikeluar ujung bulan 11 tu ila. Album tu mega deka dipejadi ka bepalan ba BORNEO ETHNIC CAFE, Jln Song,
23 November 2012.
Jessica Remaya_Makin Sari Makin Benchi : nyelit ke Donny Lang dalam Video Klip iya.
OCHSP arap ke bala peninga terus nyukung kami dalam pengawa Dunya Pemerindang...seruran merindang bala kita enggau lagu-lagu ke baru ari artis OCH Sound Production.
Selamat bekelala enggau Donny Lang, siku mega artis baru dibaruh perabung OCH Sound Production (Kuching), asal ari KAPIT udah mujur pansut enggau album keterubah iya ke diberi judul DONNY LANG: Ai Mataku Beraie. Album tu mujur dipejadi ka 14 Julai 2012 bepalan ba BORNEO ETHNIC CAFE. Chairman Persatuan Pengiat Seni Dan Kebudayaan Kuching : Mr Mervyn Tajem dibantu Naib Pengerusi: Isa Lee enggau bala raban komiti PPSKD udah ngemujur ke pengawa ngelancar ka album DONNY LANG.
Album tu mega udah mujur disadung ka ba pelilih menoa di Sarawak tauka di Semenanjung Malaysia. Terima kasih ke sukung bala peninga ke udah nyukng meli album tu ke ORIGINAL. kami meri besai ati ke bala peninga ke udah meli album tu lalu kami OCHSP ngarap ka bala kita teperindang enggau lagu-lagu dalam album Donny Lang. Sukung meh iya dalam industri musik kitai iban.
Album keterubah Rannee Pat, siku penanyi ke baru bebansa Selakau. Rannee Patricia tauka nama glamour iya RANNEE PAT udah mujur keluar enggau album lagu iban keterubah. Diatu RANNEE PAT udah bisi peminat iya empu kelebih agi, lagu-lagu RANNEE PAT dikerindu segenap lapis peminat. Antara lagu hits dalam album tu : AUS PENGERINDU KETEGAL NUAN, Jeling Ijap Anak Temuai, Tua semina bepangan serta..5 lagu-lagu ke bukai udah nengkeman ba ati peminat-peminat Rannee empu.Diatu Rannee Pat suah merindang bala peninga ba segenap pelilih menoa do Sarawak serta di Semenanjung kelebih agi ba Johor Bahru. Terima kasih ke sukung bala kita ke seruran nyukung industri kitai iban ke benung majak nyulut kemaya ari. Arap ke bala peninga seruran teperindang enggau lagu-lagu keluaran OCH Sound Production, Kuching, Sarawak.
.jpg)
